لە هەفتەیەکدا چوار پاڵاوگەی نایاسایی لە سنووری هەولێر داخراون

ئاڤا نیوز

لیژنەیەکی چاودێری و بەدواداچوون لە بەڕێوەبەرایەتیی ژینگەی هەولێر بە هەماهەنگی قایمقامیەتی قەزا و ئاسایشی قوشتەپە، سەردانی پاڵاوگەکانی سنوورەکە دەکات و ئەوانەی بە نایاسایی کار دەکەن دایان دەخات.

وێنە گەورەکە: نزیکەی 40 پاڵاوگەی نایاسایی لە سنووری پارێزگای هەولێر هەن، دوای سووتانی یەکێکیان لە مانگی ڕابردوودا کە دەرکەوت هیچ مەرجێکی سەلامەتی تێدا نەبووە، بڕیار درا دەست بە داخستنیان بکرێت.

لێدوانی فەرمی: دڵشاد هیرانی، بەڕێوەبەری فەرمانگەی ژینگەی هەولێر بە ئاڤا نیوزی گوت، "لە ماوەی هەفتەیەکدا چوار پاڵاوگەی نایاسایی داخراون، هەڵمەتەکەش بەردەوام دەبێت."

بۆچی گرنگە: پڕۆسەی بەرهەمهێنان لەو پاڵاوگانە نازانستییە و بوونەتە هۆی پیسکردنی ژینگە و بڵاوکردنەوەی بۆنێکی ناخۆش، پێویستە دامەزراندنیان بە گوێرەی پێوەر و ڕێنماییەکانی سامانە سرووشتییەکان بێت.