بایدن: هیچ کەسێک لەمن باشتر نییە بۆ سەرۆکی ئەمریکا

ئاڤا نیوز 

بایدن وەڵامی ئەو ڕەخنانە دەداتەوە کە باس لە خراپی ئاستی ئەو دەکەن لە دیبەیتەکەی لەگەڵ ترەمپ و دەشڵێت: هیچ کەسێک لەمن شایستەتر نییە بۆ سەرۆکی ئەمریکا.

بۆچی گرنگە: ئەم قسانەی بایدن لەکاتێکدایە دیموکراتەکان لە بایدن بێهیوان و داوای کشانەوەی لە کێبڕکێی هەڵبژاردنی سەرۆکایەتی ئەمریکا دەکەن.

لێدوانی فەرمی: بایدن لە یەکەم چاوپێکەوتنی لەگەڵ کەناڵی ABC دوای دیبەیتەکە گوتی "نەخۆش بووم، هەستێکی خراپم هەبوو، هەوڵمان دەدا بزانین چی هەڵەیە. پشکنینێکیان کرد بۆ ئەوەی بزانن هەوکردنم هەیە یان نا، ڤایرۆسێکە بەڵام تووشی نەبووم، سەرمابوونێکی تووندم هەبوو".

زانیاریی زیاتر: جۆ بایدن گوتی، بەهۆی سەرما و گەشتە دوورودرێژەکانی ماندوو بووە. هاوکات هەوڵی دا پاساو بۆ ئەو ئاستە نائومێدکەرە بهێنێتەوە کە لە میانی دیبەیتی سەرۆکایەتی ئەمریکادا بەرامبەر دۆناڵد ترەمپ کاندیدی کۆمارییەکان پێشکەشی کرد.
                                                                                                                                                                                                    
لەلایەی دیکەوە: بایدن   پێیوایە هیچ کەسێک لە ئەو  شایستەتر نییە بۆ بردنەوەی پێشبڕکێیەکە و بوون بە سەرۆکی ئەمریکا.