گوشارەکان بۆ کشانەوەی بایدن لە کێبڕکێی هەڵبژاردنەکان بەردەوامن

ئاڤا نیوز

لە دوای بەڕێوەچوونی دیبەیتی یەکەمی نێوان بایدن و ترەمپ، لە 27ـی حوزەیران، کە بایدن نەیتوانی بە گوێرەی پێویست وەڵامی ترەمپ بداتەوە و بە لاوازی دەرکەوت، داواکارییەکان لە ناوخۆی دیموکراتەکان بۆ کشانەوەی بایدن لە کێبڕکێی هەڵبژاردنەکان دەستیپێکردووە و بەردەوامە. 

وێنە گەورەکە: لە نوێترین گوشاردا بۆ سەر جۆ بایدن، دابینکەرانی پاڵپشتییە داراییەکانی کەمپەینی دیموکراتەکان لە هۆڵیوود چوونەتە ڕیزی ئەوانەوە کە داوای کشانەوەی بایدن دەکەن.

لە لایەکی دیکەوە: ژمارەی ئەو کۆنگرێسمانانەی کە داوای کشانەوەی بایدن دەکەن زیاتر دەبن.

بۆچوونی لایەنی بەرامبەر: بایدن لە سەر مانەوەی لە کێبڕکێکە سوورە و پێداگری دەکات.

ئەوەی پێویستە بیزانیت: 5-11-2024 هەڵبژاردنی سەرۆکایەتیی ئەمریکا بەڕێوەدەچێت.