پزیشکێکی "ساختە" نەشتەرگەریی جوانکاری بۆ دەیان کەس کردووە

ئاڤا نیوز 

 

دەزگای ئاسایشی نیشتیمانیی عێراق لە بەغدا پزیشکێکی "ساخته‌"ـى ده‌ستگیر كرد کە خۆى کردبوو به‌ پزیشکی پێست و جوانکاری.

 

زانیاریی بەدەستهاتوو: له‌ یه‌كێک له‌ گه‌ڕه‌كه‌كانی شاری به‌غدا پزیشکێكی "ساخته‌" كه‌ تەنیا بڕوانامەی خوێندنی بنه‌ڕه‌تی هەیە، نەشتەرگەریی جوانکاری بۆ دەیان کەس کردووە و چه‌ندین خولی فێركاری لەسەر نەشتەرگەریی جوانکاری لە نۆرینگەکەیدا ڕێکخستووە.

 

لێدوانی فەرمی: دەزگای ئاسایشی نیشتیمانیی عێراق ڕایگەیاند: "تیمه‌كانمان لە گەڕەکێکی بەغدا، كه‌سێكیان ده‌ستگیر كرد كه‌ سه‌نته‌رێكی جوانكاری كردبووە‌وە، لەکاتێکدا پزیشک نییه‌ و خاوه‌نی هیچ بڕوانا‌مه‌یه‌كی پزیشكی نییه‌، ته‌نیا هه‌ڵگری بڕوانامه‌ی سێی بنه‌ڕه‌تیه‌. 

 
ژمارەکان وا دەڵێن: لە پارێزگای بەغدا زیاتر لە 400 سەنتەری جوانکاریی هەن، لە به‌شێكیان کارمەندی ئاسایی کار دەکەن كه‌ هیچ بڕوانامه‌یه‌كی پزیشكییان نییه.