سەرۆکوەزیران بارزانی: هاووڵاتییان حاکمی سەرەکیی کوردستانن

ئاڤا نیوز

 

سەرۆکوەزیران بارزانی لە وەڵامی پرسیاری هاووڵاتییەکی سنووری پارێزگای سلێمانی دەڵێت، تەنیا هاووڵاتییان حاکمی سەرەکی و کۆتایی کوردستانن.

 

وێنە گەورەکە: یەکێک لە ئامادەبووان لە سەرۆکوەزیران بارزانی دەپرسێت، بۆچی ناتوانین دروشمی "کەس لە سەرووی یاسا نییە" وەک خۆی لە دادگەکان جێبەجێ بکەن و بەبێ جیاوازی ڕەگەز، ئایین و ئایدۆلۆژیایی حیزبی، لە وەڵامدا سەرۆکوەزیران گوتی، "هەر دادگەیێک سەربەخۆ نەبێت، ئەمە گەورەترین کارەساتە"

 

لێدوانی فەرمی: سەرۆکوەزیران بارزانی لەو بارەییەوە ڕایگەیاند: "ئێمە وەک حکومەت ئەو مافەمان نیە کە تێکەڵی کاری دادوەری ببین، تەنیا هاووڵاتیان حاکمی کۆتایی ئەم وڵاتەن، ئەگەر ئێوە پێتانوایە کە لایەنێکی سیاسی تێکەڵی کاروباری دادوەری دەبێت، ئێوە دەتوانن ئەو لایەنە سیاسییە لە هەڵبژاردنەکان و هەڵسوکەوتی ڕۆژانەتان سزا بدەن".