لە پارێزگای هەڵەبجە لە 17 ناوەندی خوێندن دەوام دەستیپێکرد

ئاڤا دیجیتاڵ

لە پارێزگای هەڵەبجە 17 ناوەندی خوێندن بایکۆتیان شکاند و جارێکی دیکە گەڕانەوە هۆڵەکانی خوێندن، چاوەڕوان دەکرێت لە سەرەتای هەفتەی داهاتوو 50%ـی ناوەندەکانی خوێندن دەوام دەستپێبکەنەوە. 

 

وێنە گەورەکە: مامۆستایان لە سنووری پارێزگاکانی سلێمانی و هەڵەبجە و ئیدارەکانی ڕاپەڕین، گەرمیان و ناوچەکانی دەوروبەری دوای زیاتر لە 100 ڕۆژ تاوەکو ئێستا دەوامیان نەکردووە و داوای جێبەجێکردنی داواکارییەکانیان دەکەن. 

 

ئەوەی پێویستە بیزانیت: ئەمڕۆ پێنجشەممە 08-02-2024 لە سنووری بەڕێوەبەرایەتیی گشتیی پەروەردەی هەڵەبجە 17 ناوەندی خوێن بایکۆتیان شکاند و بە ئەگەری زۆرەوە لە سەرەتای هەفتەی داهاتوودا ڕێژەکە دەگاتە  50%. 

 

زانیاریی زیاتر: ئەو ناوەندانەی بایکۆتیان شکاندووە، پێنج باخچەی ساوایان، 12 قوتابخانەی بنەڕەتی و ئامادەیین، لەلایەن زۆرێک لە بەڕێوەبەرەکانەوە بەڵێندراوە لەسەرەتای هەفتەی داهاتودا ناوەندەکان دەکرێنەوە و بەئەگەرێکی زۆرەوە ئەوڕێژەیە دەگاتە 50%. 

 

ئەمەش بزانە: لە سنووری پارێزگای هەڵەبجەدا 144 ناوەندی خوێندن هەیە، 114 قوتابخانە بنەڕەتین، 12 باخچەی ساوایان، 18 ناوەندیان قوتابخانەی ئامادەیین.