ڕاکان جبووری وەک ئەندامی ئەنجوومەنی پارێزگای کەرکووک سوێندی یاسایی دەخوات

ئاڤا نیوز

 

ڕاکان جبووری لە دادگەی کەرکووک وەک ئەندامی ئەنجوومەنی پارێزگای کەرکووک سوێندی یاسایی خوارد.

 

وێنە گەورەکە: ڕۆژی 18-12-2023، هەڵبژاردنی ئەنجوومەنی پارێزگاکانی عێراق بە پارێزگای کەرکووکیشەوە کرا، بەڵام بەهۆی ڕێکنەکەوتنی لایەنە سیاسییەکانەوە، هێشتا پارێزگاری شارەکە هەڵنەبژێردراوە.

 

زانیاریی پەیامنێر: ڕۆکان مەحموود، پەیامنێری ئاڤا لە کەرکووک گوتی: پاشنیوەڕۆی ئەمڕۆ چوارشەممە، ڕاکان جبووری چووە دادگەی کەرکووک و وەک ئەندامی ئەنجوومەنی پارێزگاکە سوێندی یاسایی خوارد.

 

زانیاریی زیاتر: سبەی پێنجشەممە، ڕاکان جبووری وەک بەتەمەنترین ئەندام، سەرپەرشتیی کۆبوونەوەی ئەنجوومەنی پارێزگای کەرکووک دەکات.