تەندروستیی جیهانی: ئێستاش کۆرۆنا هەفتانە 1700 کەس دەکوژێت

ئاڤا نیوز

 

ڕێکخراوی تەندروستیی جیهانی ڕایگەیاند ئێستاش هەفتانە نزیکەی 1700 کەس بە هۆی ڤایرۆسی کۆڤید-19ـەوە گیان لەدەست دەدەن. 

 

لێدوانی فەرمی: تێدرۆن ئادهانۆم گێبریسوس، بەڕێوەبەری گشتیی ڕێکخراوی تەندروستیی جیهانی ڕایگەیاند، سەرەڕای مەترسییەکان بەڵام وەرگرتنی ڤاکسین لە نێو کەسانی سەروو 60 ساڵ و تیمە پزیشکییەکان کەمیکردووە کە ئەم دوو چینە زۆرترین مەترسیی تووشبوونیان لەسەرە.

 

زانیاریی زیاتر: ڕێکخراوەکە داوا دەکات ئەو کەسانەی مەترسییان لەسەرە لانیکەم لە ساڵێکدا جارێک ڤاکسینی دژ بە کۆرۆنا وەربگرن.

 

باکگراوند: لە 2019ـەوە بەهۆی ڤایرۆسی کۆڤید-19، لە سەر ئاستی جیهان زیاتر لە حەوت ملیۆن کەس گیانیان لەدەست داوە.