داهاتی نانەوتی عێراق زیادی کردووە

ئاڤا نیوز

 

دامەزراوەی "عێراقی داهاتوو" بۆ لێکۆڵینەوە و ڕاوێژی ئابووری، زیادبوونی داهاتی نانەوتی عێراقی به‌ڕێژه‌ی 11% ڕاگه‌یاند.

 

لێدوانی فەرمی: مەنار عوبەیدی، سەرۆکی دامه‌زراوه‌كه‌ ڕایگەیاند: داهاتی نانەوتی عێراق له‌ پێنج مانگی ڕابردوودا بڕی 6.24 تریلیۆن دیناری تێپه‌راندووه‌، داهاتی نەوتیش لە هەمان ماوه‌دا بڕی 48.4 تریلیۆن دینار بووه.

 

ژماره‌كان واده‌ڵین: عوبەیدی ئاماژەی بەوەشکرد، داهاتی باجی سوود و سامان بەڕێژەی 118% بەرزبووەتەوە، داهاتی باجی کاڵا و باجی بەرهەمهێنان بەڕێژەی 285% بەرزبووەتەوە، داهاتی ڕسوماتيش بەڕێژەی 50% بەرزبووەتەوە.

 

خاڵی ئەرێنی: دامه‌زراوه‌ی "عێراقی داهاتوو" پێشبینی دەکات کۆی داهاتی نانەوتی بۆ ساڵی 2024 بگاتە 15 تریلیۆن دینار.