هۆکارێکی دابەزینی بەهای دینار ئاشكرا کرا

ئاڤا نیوز 

پارێزگاری بانکی ناوەندی بە نهێنی سەردانی ئەمریکا دەکات، ئامانجی سەردانەكەش بۆ گفتوگۆکردنە  لەبارەی بڕیاری ئەمریکا سەبارەت بە ڕاگرتنی مامەڵە کردن بە دراوی یوانی چینی.

وێنە گەورەکە: لە هەفتەی ڕابردوو پارێزگاری بانکی ناوەندی عێراق بە نهێنی سەردانی ئەمریکای کرد و چاوی بە بەرپرسانی بانکی فیدراڵی و وەزارەتی گەنجینەی ئەمریکا کەوت، بڕیاری ئەمریکا لەبارەی ڕاگرتنی بەغدا سەبارەت بە مامەڵە کردن بە دروای چینی تاوتوێ کران.

ڕاگەیێنراوی فەرمی: میدیا عێراقییەکان ئاشکرایان کرد، عەلی عەلاق، پارێزگاری بانکی ناوەندی لەگەڵ بەرپرسانی ئەمریکا پرسی بڕیارەکەی ئەمریکا سەبارەت بە یوانی چینی و پابەندییەکانی بانکە عێراقییەکان کە دۆلاریان لێ قەدەغە کراوە تاوتوێ کران.

ئەوەی پیویستە بیزانیت: پێشتر بانکی فیدراڵی ئەمریکی بڕیاریداوە دەبێت عێراق مامەڵەکردن بە یوانی چینی ڕابگرێت، بە گوتەی موعین کازمی، پەرلەمانتاری عێراقیش ئەو ڕاگرتنە کاتییە.