بەشێک لە دەزگا ئەمنییەکانی عێراق هێشتا لە دەرەوەی تەوتین مووچە وەردەگرن

ئاڤا نیوز  

ئەگەرچی ماوەی چەند ساڵێکە لە عێراق کار بە پرۆژەی "تەوتینی مووچە" دەکرێت، بەڵام هێشتا بەشێک لە دەزگا ئەمنییەکان لە ڕێگەی کاشەوە مووچەکانیان وەردەگرن.

وێنە گەورەکە: ئەنجوومەنی وەزیرانی عێراق لە 1-11-2016، بڕیاری بە ئەلیکترۆنیکردنی مووچەی فەرمانبەرانی شارستانی لە چوارچێوەی "تەوتینی مووچە"دا، لە ساڵی 2022وەوە پڕۆژەکە بۆ فەرمانبەرانی شارستانی و سەربازیی چووەتە بواری جێبەجێکردنەوە. 

ڕاگەیێنراوی فەرمی: دەزگای دژە تیرۆری عێراق لە ڕاگەیێنراوێکدا کارمەندانی دەزگاکەی ئاگادارکردووەتەوە: " ئەم مانگە کۆتا مانگ دەبێت کە مووچە هاوشێوەی مانگەکانی ڕابردوو بە شێوەی کاش وەردەگرن، لە مانگی ئابی 2024وە لە ڕێگەی کارتی پارەدانی ئەلیکترۆنییەوە دەتوانن مووچەکانتان وەرگرن".

گۆشەیەكی دیكە: حکومەتی هەرێمی کوردستان ماوەی 16 مانگە دەستپێشخەری ''هەژماری من''ی ڕاگەیاندووە، تاوەکو ئێستا نزیکەی 500 هەزار مووچەخۆر لە پرۆژەکە تۆمارکراون و 75 هەزاریان لە ڕێگەی کارتی بانکییەوە مووچەکانیان وەردەگرن.