لە نەینەوا 100 ڕووفاتی سەردەمی داعش دەردەهێنرێن

ئاڤا نیوز 

دوای سێ مانگ گەڕان بەدوای ڕووفاتی قوربانیانی دەستی داعش، عێراق زیاتر لە 100 ڕووفات لە پارێزگای نەینەوا دەردەهێنێت.

وێنە گەورەكە: دوای تێپەڕبوونی 10 ساڵ بەسەر كوشتنی هەزار كەس لە لایەن ڕێكخراوی داعش لە قەزای تەلەعفەر لە موسڵ، زیاتر لە 100 ڕووفات دەرهێنراون و گەڕان بەدوای دۆزینەوەی ڕووفاتەكانی دیكە بەردەوامە. 

ڕاگەیێنراوی فەرمی: زیا كەریم، بەرپرسی گۆڕە بەكۆمەڵەكان لە دامەزراوەی شەهیدان ڕایگەیاند: "ڕووفاتی 100 كەس دەرهێنراون لەگەڵ 46 نموونە و 40 تەرمی بەیەكداچوو و تێكەڵاو".

زانیاریی زیاتر: "ڕووفاتەكان لە بیر(دۆڵ)ی عەلۆ عەنتەر لە قەزای تەلەعفەر لە ڕوژئاوای موسڵ دەرهێنراون كە سێ مانگ لە گەڕانی خایاندووە".

ئەوەی پێویستە بیزانیت: ڕێكخراوی داعش بیری عەلۆ عەنتەریان بۆ شاردنەوەی تەرمی ئەو كەسانەی دەیانكوشتن بەكارهێناوە و بەپێی خەڵكی ناوچەكە زیاتر لە هەزار تەرم لەو دۆڵەدان.