پارەی دوو مانگی پێشمەرگە و هێزە ئەمنییەکان گەیشت

ئاڤا نیوز

 

سەرچاوەیەک لە وەزارەتی دارایی و ئابووریی هەرێمی کوردستانەوە بۆ ئاڤا نیوز ڕایگەیاند، پارەی دوو مانگی مووچەی پێشمەرگە و هێزە ئەمنییەکان گەیشتووە و بڕیارە سبەی دابەش بکرێت. 

 

وێنە گەورەکە: دوای هەوڵەکانی سەرۆکوەزیران مەسرور بارزانی لەگەڵ محەممەد شیاع سوودانی، سەرۆکوەزیرانی عێراق، بەغدا بڕیاری خەرجکردنی دوو مووچەی هێزە ئەمنییەکانی دەرکرد.

 

ڕاگەیێنراوی فەرمی: وەزارەتی دارایی و ئابووریی هەرێمی کوردستان بڵاوی کردەوە، کەمێک پێش ئێستا؛بڕی 676 ملیار و 36 ملیۆن دینار وەک شایستەی مووچەی مانگی ئایار و حوزەیرانی هێزەکانی پێشمەرگە و دامودەزگا ئەمنییەکانی هەرێمی کوردستان خرایە سەر هەژماری بانکیی وەزارەتی دارایی و ئابووری لە لقی هەولێری بانکی ناوەندیی عێراق.

 

 

لەلایەکی دیکەوە: سەرچاوەیەک لە وەزارەتی دارایی بە ئاڤا نیوزی گوت: سبەی چوارشەممە 17-07-2024، دەست بەدابەشکردنی مووچە دەکرێت و مووچەی هەردوو مانگەکە پێکەوە دابەش دەکرێت.