مووچەی دوو مانگی پێشمەرگە و هێزە ئەمنییەکان دابەش دەکرێت

ئاڤا نیوز

 

وەزارەتی دارایی خشتەی دابەشکردنی مووچەی هێزەکانی پێشمەرگە و دامودەزگا ئەمنییەکان بۆ مانگی ئایار و حوزەیرانی بڵاوکردەوە، بەپێی خشتەکە لە دوو ڕۆژدا سەرجەمان مووچە وەردەگرن.

 

وێنە گەورەکە: ئەمڕۆ سێشەممە بەغدا بڕی 676 ملیار و 36 ملیۆن دیناری وەک شایستەی مووچەی مانگی ئایار و حوزەیرانی هێزەکانی پێشمەرگە و دامودەزگا ئەمنییەکانی هەرێمی کوردستان خستە سەر هەژماری بانکیی وەزارەتی دارایی و ئابووری لە لقی هەولێری بانکی ناوەندیی عێراق.

 

ڕاگەیێنراوی فەرمی: وەزارەتی دارایی و ئابووریی هەرێمی کوردستان لەگەڵ بڵاوکردنەوەی لیستی مووچە ڕوونکردنەوەیەکیشی داوە و دەڵێت، بڕی 26 ملیار و 790 ملیۆن دینار کورتهێنان لە کۆی مووچەی ئەو دوو مانگەی هێزەکانی پێشمەرگە و دەزگا ئەمنییەکان دروست بووە و ئەو بڕە پارەیە لە شایستەی تەمویلەکەیان لە بەغداوە نەنێردراوە.

 

زانیاریی زیاتر: بەپێی خشتەی وەزارەتی دارایی سبەی چوارشەممە 17-07-2024، مووچەی هەریەک لە ئەنجوومەنی ئاسایش، دەزگای ئاسایش و بەڕێوەبەرایەتی پۆلیسی پاراستنی دامودەزگا نەوتییەکان، ڕۆژی پێنجشەممەش18-07-2024، وەزارەتی پێشمەرگە، هێزەکانی 70 و 80، زێرەڤانی و بەرگری فریاکەوتن دابەش دەکرێت.