بەبۆنەی ڕۆژی جیهانی نێڵسۆن ماندێلاوە 10 هەزار كەس دەچنە بەردەم ماڵەكەی

ئاڤا نیوز

لە ساڵی 2009 یونسکۆ 18ی تەمووزی هەموو ساڵێکی بە ڕۆژی جیهانی نیڵسۆن ماندێلا دیاری كرد، ئەمساڵ لەو ساڵڕۆژەدا 10 هەزار كەس بە ڕێپێوان و چالاكی دەچنە بەردەم ماڵەكەی.

وێنە گەورەكە: هەموو ساڵێک لە 18ی تەمووزدا جیهان یادی سەرکردەی باشووری ئەفریقا نیڵسۆن ماندێلا دەکاتەوە، کە وەک بەنێوبانگترین سەرکردە لە مێژوودا ناسراوە.

ئەوەی پێویستە بیزانیت: ساڵانە لە 18ی تەمووز و ڕۆژەکانی دواتر بە بۆنەی ڕۆژی جیهانی نیڵسۆن ماندێلاوە، لە بەشێک لە شارەکانی ئەفریقای باشوور چالاکی ساز دەکرێت، چالاكییەكانیش لە ژێر ناونیشانی "هەنگاو بنێن ئیلهام بەخش بن بۆ گۆڕانکاری" دەكرێن. 

ئەوەی ئێستا ڕوودەدات: بڕیارە لە ڕێکەوتی 20ی تەمووزلە یاریگای 'دی پی ۆرد واندەر' لە ئەفریقای باشوور چالاکی ڕۆشتن و ڕاکردن ئەنجام بدرێ کە تیایدا 10 هەزار پیادەڕەو لە یاریگاکەوە بەڕێدەکەون بەرەو شوێنی دامەزراوەی نیڵسۆن ماندێلا و شوێنی مانەوەی نیڵسۆن ماندێلا بەر لە مردنی.