بەریتانیا دەیەوێت جارێکی دیکە لە یەکێتیی ئەوروپا نزیک ببێتەوە

ئاڤا نیوز

کیەر ستارمەر، سەرۆکوەزیرانی بەریتانیا، بەڵێنی بەهێزکردنی پەیوەندییەکانی نێوان وڵاتەکەی و یەکێتیی ئەوروپای دا.

وێنە گەورەکە: ستارمەر دەیەوێت پەیوەندیی نێوان وڵاتەکەی و یەکێتیی ئەوروپا کە بە هۆی دەرچوونی بەریتانیا لە یەکێتییەکە لاواز بووبوو، بەهێز بکاتەوە. بەڵێنی داوە لە بوارەکانی ئاسایش و ڕووبەڕووبوونەوەی کۆچ پردی نوێ لەگەڵ یەکێتیی ئەوروپا دروست دەکات.

ئەوەی پێویستە بیزانیت: لە کۆبوونەوەی لوتکەی وڵاتانی کیشوەری ئەوروپا کە لە بەریتانیا بەڕێوە چوو، ستارمەر گوتی "بەریتانیا گەڕایەوە".

زانیاریی زیاتر: کۆبوونەوەکە بۆ باسکردنی چۆنیەتیی بەهێزکردنی بەرگریی و دابینکردنی ئاسایشی وزە و ئابوری و پاراستنی سنوورەکانی ئەوروپا ڕێکخرا بوو.