هێڵەکانی فڕۆکەوانیی  لە جیهان کێشەیان تێکەوت

ئاڤا نیوز

 

بە هۆی بوونی کێشەی تەکنیکی و پەیوەندییەکان،  سەرجەم گەشتەکانی ژمارەیەک لە کۆمپانیا گەورەکانی فڕۆکەوانیی لە ئەمریکا و ژمارەیەک وڵاتانی جیهان ڕاگیران.

وێنە گەورەکە: بەرەبەیانی ڕۆژی هەینی، 19-7-2024، بە هۆی کێشە لە بەشی پەیوەندییەکانیان، سەرجەم گەشتە ئاسمانییەکانی کۆمپانیاکانی دێلتا، یوناید و ئەمریکان ئێرلاینز وەستان، بەدواشیدا لەچەند وڵاتێکی دیکە هەمان کێشە ڕوویدا.

ڕاگەیێنراوی فەرمی: دامەزراوەی فڕۆکەوانیی فیدراڵ ڕایگەیاندووە ئەم کێشەیە کاری کردووەتە سەر سەرجەم گەشتە ئاسمانییەکانی کۆمپانیاکان.

زانیاریی زیاتر: هێشتا هۆکاری سەرەکیی کێشەی پەیوەندییەکان دیار نییە و ناشزانرێت کەی گەشتەکان ئاسایی دەبنەوە، لە لایەکی دیکەوە: تائێستا لە ئەڵمانیا و چەند وڵاتێکی دیکە هەمان کێشە ڕوویداوە و هێڵی گەشتی فڕۆکە و شەمەندەفەر ڕاگیراون.

 

زانیاریی بەدەستهاتوو: کێشەکە پەیوەندیی بە بواری تەکنۆلۆژیای زانیاریی (IT)ـەوە هەیە و جگە لە کۆمپانیاکانی فڕۆکەوانی، چەندین بانک و دامەزراوەی میدیاییشی گرتووەتەوە. لە بەریتانیاش کێشەی ئای تی بۆ هێڵی ئاسن درووست بووە. هەروەها بۆرسەی لەندەنیش کێشەی پچڕانی پەیوەندیی هەبووە. کۆمپانیا مایکرۆسۆف لە هۆکارەکان دەکۆڵێتەوە.

 گۆشەیەکی دیکە: ئاڤا پەیوەندی بە هەریەک لە بەڕێوەبەری فڕۆکەخانەکانی هەولێر و سلێمانییەوە کرد، ئەوان ڕایانگەیاند " هیچ کێشەیەک لە گەشتی فڕۆکەخانەکانی هەولێر و سلێمانی ڕووی نەداوە".