لە پێنج شارۆچكەی توركیا ئاگر دەكەوێتەوە

ئاڤا نیوز 

لە ناوچە دارستانییەکانی پێنج شارۆچکەی تورکیا ئاگرکەوتووەتەوە، تیمەکانی ئاگرکوژێنەوە لە هەوڵدان بۆ کۆنترۆڵکردنی.

بۆچی گرنگە: ماوەیەکە ڕۆژانە دارستان و زەوییە کشتوکاڵییەکانی تورکیا و باکووری کوردستان دەسوتێن، زیادبوونی ئەم ڕووداوە گومانی لای خەڵکی دروست کردووە.

وێنە گەورەکە: لە درەنگانی دوێنێ شەوەوە ئاگر لە شارۆچکەکانی سەر بە ئەنتاڵیا، بەڵکشەهیر، ئوشاک، چەنەککاڵی و چۆڕوم کەوتەوە، تیمەکان لە هەوڵدان بۆ کۆنترۆڵکردنی ئاگرەکە بەڵام هێشتا بە تەواوی کۆنترۆڵ نەکراوە. 

ڕاگەیێنراوی فەرمی: تیمی ئاگرکوژێنەوە ڕایگەیاندووە، بەهۆی چڕی دارستانەکان بە ئەستەم دەگەنە ناوچەکە و لەڕێگەی هێلیکۆپتەرەوە هەوڵی کۆنترۆڵکردنی ئاگرەکە دەدرێت.

ئەوەی لە بارەیەوە دەگوترێت: هەندێک لە بەرپرسان پەکەکە تۆمەتباردەکەن، بەوەی لەڕێگەی درۆنەوە ئەو ناوچانە دەسوتێنێت،  خەڵکی بەشێک لەو ناوچانەش تیمەکانی ئاگرکوژێنەوە بە کەمتەرخەم دەزانن بۆ کۆنترۆڵکردنی ئاگرەکە.