عێراق ده‌ست به‌ دروستكردنی بۆمب و کەرەستەی سه‌ربازی دەکاتەوە

ئاڤا نیوز

بۆ یەکەمجار لە دوای 25 ساڵ، ئه‌مڕۆ محەممەد شیاع سودانی، سەرۆکوەزیرانی عێراق کارگەیەکی بۆ دروستکردنی بۆمبی هاوەن و کارگەیەکی دیکەی بۆ دروستکردنی فیشه‌کی چه‌کی سووک لە بەغدای پایتەخت کردەوە.

لێدوانی فەرمی: نووسینگەی ڕاگه‌یاندنی سەرۆکوەزیرانی عێراق ڕایگه‌یاند: "سوودانی کارگەیەکی بۆمبی هاوەن و کارگەیەکی دیکه‌ی بۆ بەرهەمهێنانی فیشه‌کی چه‌کی سووک لە کۆمەڵگەی پیشەسازی سەربازیی لە باشووری بەغدا کرده‌وه‌.

بۆچی گرنگه‌:  له‌ دوای ڕوخانی ڕژێمی سه‌ددام بۆ یه‌که‌مجاره‌ عێراق کارگه‌ی له‌م جۆره‌ به‌ فه‌رمی بکاته‌وه‌.

ئەوەی پێویستە بیزانیت: پێشتر ده‌سته‌ی پیشەسازیی سەربازی بەرپرسیار بوو لە؛ دروستکردنی کەرەستەی سه‌ربازی، دروستکردن و کۆکردنەوەی چەکی سووک و ناوه‌ند، هەروەها پەرەپێدانی چەکی کیمیایی لە دامەزراوە سەربازییەکانی که‌ ده‌که‌وتنه‌ ده‌وروبه‌ری شاری بەغدا.