لە عێراق هەر کاتژمێرێک نزیکەی حەوت هاوژین جیا دەبنەوە

ئاڤا نیوز

 

لە مانگی ڕابردوو نزیکەی پێنج هەزار حاڵەتی جیابوونەوەی هاوژین لە عێراق تۆمارکراون کە ڕۆژانە زیاتر لە 159 حاڵەت ڕوویداوە.

 

بڵاوکراوەی فەرمی: ئەنجوومەنی باڵای دادوەریی عێراق ڕایگەیاند، "لەکۆی 23 هەزار و 324 هاوسەرگیری لە مانگی ڕابردوو چوار هەزار و 779 حاڵەتی جیابوونەوە تۆمارکراون ".

 

زانیاریی زیاتر: ڕێژەی جیابوونەوە لە مانگی ڕابردوو بەراورد بە مانگی ئایار کەمیکردووە، شەش هەزار و 666 حاڵەتی جیابوونەوە لە مانگی ئایار تۆمارکرابوو.

 

باکگراوەند: بە گشتی لە ساڵی 2023، لە پارێزگاکانی عێراق جگە لە هەرێمی کوردستان، نزیکەی 70 هەزار حاڵەتی جیابوونەوە تۆماركراوه.