حەماس و فەتح لە چین ڕێککەوتن

ئاڤا نیوز

بزووتنەوەکانی حەماس و فەتحی فەلەستینی لە پەکینی پایتەختی چین ڕێککەوتننامەیەکیان واژۆ کرد. وردەکاریی ڕێککەوتنەکە دیار نییە، جگە لەوەی حەماس ڕایگەیاندووە لەپێناو یەکیەتیی نیشتمانیدایە. 

لێدوانی فەرمی: موسا ئەبو مەرزوق، سەرکردەی باڵای حەماس، ڕایگەیاند "ئێمە ڕێککەوتنێک بۆ یەکیەتیی نیشتمانی واژۆ دەکەین و دەڵێین ڕێگەی تەواوکردنی ئەم گەشتە یەکیەتیی نیشتمانییە، پابەندین بە یەکیەتیی نیشتیمانییەوە و ئێمە داوای دەکەین".

زانیاریی زیاتر: ڕێککەوتنەکە جگە لە حەماس و فەتح، چەند ڕێکخراوێکی دیکەی فەلەستینیش لەخۆ دەگرێت.

ئەوەی پێویستە بیزانیت: حەماس و فەتح، دوو حیزبی دژبەری فەلەستینین. حەماس غەززە و فەتح کەرتی خۆرئاوا بەڕێوە دەبات.