لە شەش مانگدا 89٪ ی دۆلاری بانکی ناوەندیی عێراق چووەتە دەرەوە

ئاڤا نیوز

لە شەش مانگی یەکەمی ئەمساڵ، بانکی ناوەندیی عێراق زیاتر لە 26 ملیار دۆلاری فرۆشتووە، بەڵام 89% ی چووەتە دەرەوە.

وێنە گەورەکە: بانکی ناوەندیی عێراق، 26 ملیار و 539 ملیۆن و 598 هەزار و 281 دۆلاری لە شەش مانگی یەکەمی ئەمساڵدا خستووەتەڕوو. لەو بڕەش 24 ملیار و 105 ملیۆن و 770 هەزار و 121 دۆلار، وەک حەواڵەی دەرەکی چووەتە دەرەوەی عێراق. کە ئەم بڕەش 89٪ـی کۆی فرۆشی بانکی ناوەندیی عێراقی پێکهێناوە. 

هۆکارە زانراوەکان: عێراق وڵاتێکی هاوردەکارە زۆرینەی پێداویستییەکانی لەدەرەوە هاوردە دەکات، بۆیە ئەو بڕە پارەیەی لە فرۆشی نەوت دەستی دەکەوێت جارێکی دیکە بۆ کڕینی کاڵا دەچێتە دەرەوەی وڵات.