فەرەنسا چوار هەزار کەس لە یارییەکانی ئۆڵمپیاد دوور دەخاتەوە

ئاڤا نیوز 

بەهۆی ڕێککارە ئەمنییەکان و پاراستنی ئاسایشی بەڕێوەچوونی یارییەکانی ئۆڵمپیاد، حکومەتی فەرەنسا نزیکەی چوار هەزار و 355 کەس دوور دەخاتەوە. 

 

وێنە گەورەکە: بڕیارە لە ڕۆژی 26-7-2024 یارییەکانی ئۆڵمپیادی پاریس دەستپێبکات و تاوەکو 11ـی ئابی داهاتووە بەردەوام دەبێت، چاوەڕوان دەکرێت ملیۆنان کەس بۆ سەیرکردنی یارییەکان سەردانی پاریس بکەن. 

 

لێدوانی فەرمی: جیراڵد دارمانین، وەزیری ناوخۆی فەرەنسا ڕایگەیاند، پێداچوونەوەیان بە ملیۆنێک داواکاریی هاووڵاتییان کردووەتەوە کە ویستوویانە لە نزیکەوە بینەری یارییەکانی ئۆڵمپیاد بن لە پاریس، ژمارەیەکیان لە ڕێکارەکان دەرنەچوون و داوایان لێ کراوە خاکی فەرەنسا جێبهێڵن، تاوەکو ئێستاش ژمارەی ئەو کەسانەی دوورخراونەتەوە گەیشتووەتە چوار هەزار و 355 کەس. 

لەلایەکی دیکەوە: وەزیری ناوخۆی فەرەنسا ڕایگەیاند، لێکۆڵینەوەی بەرفراوان کراوە لەو کەسانەی سەردانی فەرەنسایان کردووە، نزیکەی 100 کەس بە هەبوونی گومانی سیخوڕی لە پاریس دوورخراونەتەوە، بۆ ئەو مەبەستەش ئاهەنگی کردنەوەی ئۆڵۆمپیاد لە ژێر ڕێککاری تووندی ئەمنی بەڕێوەدەچێت.