تاوەکو دوای ئۆڵمپیاد حکومەتی نوێی فەرەنسا پێک ناهێنرێت

ئاڤانیوز

 

دوای دۆڕانی لە هەڵبژاردنەکان کابینەکەی ئیمانوێل ماکرۆن بەردەوام دەبێت لە کارەکانی و تا دوای ئۆڵمپیاد نیاز نییە کابینەی نوێ پێکبهێنرێت. 

 

وێنە گەورەکە:  دوای ئەوەی لە هەڵبژاردنی پێشوەختەی خولی دووەمی فەرەنسا، هاوپەیمانی چەپەکان براوە بوون، داوایان لە سەرۆکوەزیران کرد دەست لە کاربکێشێتەوە.

 

لێدوانی فەرمی: ماکرۆن ڕایگەیاند، حکومەتەکەی خەریکە ماوەکەی کۆتایی دێت، تا ناوەڕاستی مانگی ئاب بەردەوام دەبێت لە گرنگیدان بە یارییە ئۆڵمپیەکان، دوای ئەوە دەست بە دانانی سەرۆکوەزیرانێکی نوێ دەکەن.

 

زانیاریی زیاتر: حکومەتی ئینتقالی لە شوێنی خۆیدا دەمێنێتەوە بۆ ئەوەی "ئاژاوە" ڕوونەدات، ماکرۆن وای گوت.