لە هەولێر دوو کۆمپانیای هاوردەکردنی دەرمان دادەخرێن

ئاڤا نیوز

 

بەهۆی پابەند نەبوونیان بە ڕێنماییەکانی تەندروستی، دوو کۆمپانیای هاوردەکردنی دەرمان لە هەولێر داخران.

 

وێنە گەورەکە: بۆ ڕێگریکردن لە ساغکردنەوەی دەرمانی ساختە و کۆنترۆڵکردنی نرخەکەی،  نابێت هیچ دەرمانێک بە بێ ستیكەری فەرمی حکومەت بفرۆشرێت.

 

بڵاوکراوەی فەرمی: بەڕێوەبەرایەتیی کۆنترۆڵی جۆریی دەرمان (KMCA) ڕایگەیاند، "بە هەماهەنگی لەگەڵ پۆلیسی شارەوانیی قەزای ناوەندیی هەولێر بۆ پابەندکردنی کۆمپانیاکانی هاوردەکردنی دەرمان بە لێدانی ستیکەر لەسەر بەرهەمەکانیان، دوو کۆمپانیای هاوردەکردنی دەرمانیان بەهۆی فرۆشتنی دەرمانی بێ ستیکەر لە هەولێر داخران."

 

ئەوەی پێویستە بیزانیت: سەرجەم ناوەندە دەرمانسازییەکان دەبێت تەنیا مامەڵە بە دەرمانی بە ستیکەر بکەن بەپێچەوانەوە ڕووبەڕووی سزای ماددی و داخستن دەبنەوە.