گۆڕێکی نوێی بە کۆمەڵ لە تەلەعفەر دۆزرایەوە

ئاڤا  نیوز  

لە قەزای تەلەعفەری سەر بە پارێزگای نەینەوا، لەکاتی نۆژەنکردنەوەی یەکێک لە قوتابخانەکانی ئەو قەزایە گۆڕێکی بەکۆمەڵ دەدۆزرێتەوە.

وێنە گەورەکە: لەدوای هێرشی داعش بۆسەر پارێزگای نەینەوا و کۆنترۆڵکردنەوەی شارەکە، تا ئێستا چەندین گۆڕی بەکۆمەڵ دۆزراونەتەوە زۆرینەی قوربانییەکانیش کوردانی ئێزدی نیشتەجێی ناوچەکەن.

 

ڕاگەیێنراوی فەرمی: شانەی ڕاگەیاندنی ئەمنیی عێراق دۆزینەوەی گۆڕێکی بەکۆمەڵی لە قەزای تەلەعفەر ڕاگەیاند و ئاماژە بەوە دەدات: "لە لەکاتی نۆژەنکردنەوەی یەکێک لە قوتابخانەکانی سنووری قەزای تەلەعفەر ڕووفاتی 14 قوربانی بەدیارکەوتوون کە دەگەڕێتەوە بۆ سەردەمی دەسەڵاتی داعش لەو ناوچەیە".

 

زانیاریی زیاتر: لەکاتی کارەکانی نۆژەنکردنەوەی یەکێک لە باڵەخانەکانی قوتابخانەیەکی گەڕەکی سەعد لە قەزای تەلەعفەر زانیاریی بە یەکە ئەمنییەکان درا لەسەر هەبوونی گۆڕێکی بەکۆمەڵ، دەرکەوت گۆڕەکە ڕووفاتی 14 قوربانیی دەستی داعشی تێدایە".

 

باكگراوند: بەر لە دوو مانگ، ڕووفاتی زیاتر لە 130 قوربانی دەستی داعش لە گۆڕە بەکۆمەڵەکانی باکووری قەزای تەلەعفەر دەرهێنراون، کە زۆربەی قوربانییەکانی کوردانی ئێزدین.