بنکەیەکی ئەمریکا لە سووریا دەکرێتە ئامانج

ئاڤا نیوز

 

بنکەیەکی ئەمریکا لە کێڵگەی غازی کۆنیکۆ لە شارۆچکەی دێرەزووری ڕۆژهەڵاتی سووریا لەڕێگەی چەندین مووشەکەوە دەکرێتە ئامانج.

 

زانیاریی بەدەستهاتوو: سەرچاوەیەک بە ئاژانسەکانی هەواڵی ڕووسیایان ڕاگەیاندووە: بەرەبەیانیی ئەمڕۆ هەینی بە پێنج مووشەک بنکەیەکی ئەمریکا لە کێڵگەی غازی کۆنیکۆ کرایە ئامانج و بەهۆیەوە ئاگرێک کەوتووەتەوە و پێدەچێت زیانی لێکەوتبێتەوە.

 

زانیاریی زیاتر: وەڵامی هێزەکانی ئەمریکا بۆ هێرشەکە ئەوەبوو بە 10 مووشەک سەرچاوەی ئاراستەکردنی مووشەکەکانیان لە ناوچەی حویجە مەریعیە کردە ئامانج لەگەڵ سووڕانەوەی بەردەوامی فڕۆکە جەنگییەکان بە ئاسمانی ناوچەکە.

 

ئەوەی پێویستە بیزانیت: ئەم هێرشە لەکاتێکدایە، بەرەبەیانیی ئەمڕۆ هەینی لەڕێگەی چوار مووشەکەوە بنکەی عەین ئەسەد لە پارێزگای ئەنبار لە عێراق کرایە ئامانج کە هێزەکانی ئەمریکای لێیە.

 

ئەمەش بزانە: وەزارەتی بەرگریی ئەمریکا، لەبارەی هێرشەکەی بنکەی عەین ئەسەد هێرشەکەی پشتڕاست کردەوە و ئاماژەی بەوەدا "هێرشەکە هیچ زیان و برینداربوونێکی لێ نەکەوتووەتەوە".