پارێزگاری کەرکوک؛ گرێکوێرەی نێوان لایەنە سیاسییەکان

ئاڤا نیوز

 

14 ڕۆژ ماوە تەواو بوونی وادەی دیاریکراو بۆ دانانی پارێزگار و دابەشکردنی پۆستەکانی دیکەی کەرکووک، لەم هەفتەیە سوودانی لەگەڵ پارتی و یەکێتی کۆدەبێتەوە.

 

وێنە گەورەکە: سوودانی لەگەڵ عەرەب و تورکمانەکانی نێو ئەنجوومەنی پارێزگای کەرکووک کۆبووەتەوە و جەختی لەوەکردووەتەوە کە نابێت هیچ لایەنێک بە کۆتاشەوە لە پێدانی پۆست لە کەرکووک بێبەش بکرێت، لەگەڵ لایەنە کوردساتانییەکانیش کۆدەبێتەوە.

 

لێدوانی فەرمی: حەسەن مەجید، ئەندامی ئەنجوومەنی پارێزگای کەرکووک بە ئاڤا نیوزی گوت، "ئەگەر لەو وادەیە پارێزگار دیاری نەکرێت، سەرۆکوەزیرانی عێراق پارێزگارێک دەستنیشان دەکات بۆ ڕایی کردنی ئەرکەکە تاوەکو لایەنەکان دەگەنە ڕێککەوتن."

 

زانیاریی زیاتر: بژاردەی دووبارەکردنەوەی هەڵبژاردن لە پارێزگاکە ئەگەرێکی لاوازە، چونکە نزیکەی هەشت مانگە پارێزگار دانەنراوە و ئەنجوومەنی پارێزگا هەڵنەوەشاوەتەوە، ئحەسەن مەجید وای گوت.

 

ئەوەی پێشبینی دەکرێت: چاوەڕوان دەکرێت لەم هەفتەیە سوودانی لەگەڵ ئەندامانی پارتی و یەکێتی لە ئەنجوومەنی پارێزگای کەرکووک کۆببێتەوە و تاوتوێی پێکهێنانی حکومەتی خۆجێی پارێزگاکە دەکەن.

 

بۆچی گرنگە: ئامانجەکە ئەوەیە پێش 11ی مانگی هەشت لایەنەکان لەسەر بنەمایەکی هاوبەش کۆک بن و پۆستەکان دابەشبکرێن، بە پێچەوانەوە بەپێی یاسا ئەنجوومەنی پارێزگا شەرعیەتی نامێنێت و بۆشایی یاسایی دروست دەبێت.