هیند؛ ئەو منداڵەی لە غەززە داوای هاوکاری کرد تەرمەکەی دۆزرایەوە

ئاڤا نیوز

کچێکی تەمەن شەش ساڵ کە مانگی ڕابردوو لە شاری غەززە بێسەروشوێن بوو و دواتر لە پەیوەندییەکی تەلەفۆنیدا داوای هاوکاری کرد، تەرمەکەی دۆزرایەوە.

 

چیرۆکی سەرەکی: هیند ڕەجەب لەگەڵ مام و ئامۆژن و سێ ئامۆزای، مانگی ڕابردوو بە ئۆتۆمبێلێک بەرەو ناوچەی سەلامەت لە کەرتی غەززە دەڕۆن، بەڵام دەکەونە بەر هێرشی تانکەکانی ئیسرائیل، کەسوکارەکەی هەموو دەمرن و تاکە کەس کە ڕزگاری بووبێت لەنێویان هیند دەبێت، لەناو تەرمی کەسوکارەکەی خۆی حەشارداوە.

 

ئەوەی پێویستە بیزانیت: تەلەفۆنی بۆ فریاگوزاری مانگی سووری فەڵەستینی کردووە بۆ ئەوەی هاوکاریی بکەن. هیند لە پەیوەندییەکەدا گوتوویەتی: "زۆر دەترسم، تکایە لێرە ڕزگارم بکەن".

 

زانیاری زیاتر: بەهۆی داخستنی ناوچەکە کە ناوچەی جەنگ بووە، فریاگوزاری مانگی سووری فەڵەستین دوای چەند ڕۆژێک دەگەنە شوێنی ڕووداوەکە لە ناوچەی تەلهەوا لە غەززە. دوای هەوڵدان و گەڕانێکی زۆر ئەو ئۆتۆمبێلە دەدۆزنەوە کە هیند و کەسوکارەکەی تێدابوو، بەڵام کاتێک دەگەنە ناوچەکە دەبینن تەرمی هیندیش یەکێک دەبێت لەو تەرمانەی دەیدۆزنەوە.