پەرلەمانی عێراق داوای لێکۆڵینەوە لە هێرشەکەی بابل دەکات

ئاڤا نیوز

لیژنەی ئاسایش و بەرگریی پەرلەمانی عێراق، داوای لێکۆڵینەوە و بەدواداچوون لە ڕووداوی هێرشەکەی سەر یه‌کێک له‌بارەگاکانی حەشدی شەعبی دەکات له‌بابل .

وێنە گەورەکە: شەوی 30-07-2024، ئەمریکا لە بنکەیەکی سەربازی لە کوێتەوە هێرشی کردەسەر بارەگەی حیزبوڵای عێراقیی سەر بە حەشدی شەعبی له‌ناوچه‌ی سعێداتی سه‌ر به‌قه‌زای جورفولسەخر لە باکووری پارێزگای بابل و چوار چەکداری حەشدی شەعبی کوژران.

لێدوانی فەرمی: وەعد قەدو، ئه‌ندامی لیژنەی ئاسایش و بەرگریی پەرلەمانی عێراق ڕایگەیاند: لیژنەکەیان بەدواداچوون لە ڕووداوەکە دەکات و لەگەڵ بەرپرسانی ئەمنیی کۆدەبێتەوە و ڕاپۆرتێک ئامادە دەکات و پێشکەشی حکومەتی ناوەند و ڕێکخراوە نێودەوڵەتییەکانی ده‌کات .

ئەوەی پێویستە بیزانیت: ڕۆژی 30-07-2024، وەزارەتی بەرگریی ئەمریکا بەرپرسیارێتیی خۆی لە ‌‌هێرشەکەی سەر بارەگاکانی حیزبوڵڵای عێراق لە بابل ڕاگەیاند.