ئەمریكا ڕاپۆرتی ساڵانەی لەبارەی ئازادیی ئایینی عێراق و هەرێمی كوردستان بڵاوكردەوە

ئاڤا نیوز 

بەپێی ڕاپۆرتی ساڵانەی ئەمریكا لە عێراق و ناوچەكانی دەرەوەی هەرێمی كوردستان سوپای عێراق  تووندوتیژی ئایینییان بەرامبەر خەڵک كردووە.

 

وێنە گەورەكە: كۆنسوڵخانەی ئەمریكا لە هەرێمی كوردستان ڕاپۆرتێكی لەبارەی ئازادیی ئایینی لە هەرێمی كوردستان و عێراق بڵاو كردووەتەوە و دەڵێت: هێزەكانی عێراق بە تەواوەتی كەمە نەتەوەییەكان هەراسان دەكەن گرفتیان بۆ دروستدەكەن.

 

زانیاریی زیاتر: ڕاپۆرتەكە 41 لاپەڕەیە، سەرجەم ئەو بابەتانەی تێدایە كە پەیوەستە بە دۆخی ناوخۆی عێراق و هەرێمی كوردستان و باس لەوە دەكات كە لە عێراقدا تەنیا چوار جوو ماون و لە هەرێمی كوردستاندا 100 بۆ 250 هاووڵاتی جوو دەژین.

 

ناوەڕۆكی ڕاپۆرتەكە:

یەكەم:  لە  ناوچەكانی دەرەوەی هەرێمی كوردستان تاوەکو ئێستا بەشێوەیەکی بەرچاو كۆت و بەند لەسەر ئازادیی ئایینی هەیە.

 

دووەم: هێزە سەربازییەكانی عێراق تووندوتیژی و هەراسانكردنیان بەرامبەر كەمایەتییە ئاینییەكان  کردووە.

 

سێیەم: سزای زۆر قورسی ئەو كەسانە دەدرێت كە پەیوەندییان لەگەڵ ئیسرائیلدا هەیە و تاڕادەی لەسێدارەدانیش.

 

چوارەم: هێزەكانی عێراق لە نێویاندا پۆلیسی فیدراڵی، هێزەكانی ئاسایشی نیشتیمانی  و حەشدی شەعبی، ئازاری خەڵكیان داوە  بەتایبەتی عەرەبە سوننە مەزهەبەکان و ئێزدییەكان و كریستیانەكان.

 

پێنجەم: سەركردەكانی كۆماری ئیسلامیی ئێران كارگەرییان لەسە سەركردەكانی خەشدی شەعبی هەیە.

 

شەشەم: گرووپە شیعەكان ڕێگرن لە گەڕانەوەی ئاوارەكان بۆ پارێزگاگانی سەڵاحەددین و دیالە و مووسڵ.

حەوتەم: لە ساڵی 2014ـەوە تاوەكو ئێستا دوو هەزار و 693 كەس بێسەروشوێنن، پەكەكە و حەشدی شەعبی ڕێگرن لە گەڕانەوەی ئاوارەكان بۆ ناوچەكانی خۆیان.

 

هەشتەم: لە 2015ـەوە سەدان منداڵی ئێزدی لە عێراق ڕفێنراون.

 

نۆیەم: ساڵی 2023 لە كۆی گشتیی ناوچەكە 232 گۆڕی بەكۆمەڵ لە شنگال دۆزراونەتەوە.

 

دەیەم: ژمارەی دانیشتووانی عێراق 40 ملیۆن ونیوەو 97%ـی عێراق موسوڵمانن.