ئێران بۆ تۆڵەكردنەوەی كوژرانی هەنییە ڕاوێژ دەكات

ئاڤا نیوز

ئێران بۆ تۆڵەکردنەوە لە کوژرانی ئیسماعیل هەنییە، بەرپرسی مەكتەبی سیاسی حەماس، لەگەڵ هێزە هاوپەیمانییە هەرێمییەکانی لە لوبنان، عێراق و یەمەن کۆدەبێتەوە و بە ڕاوێژ لەگەڵ ئەوان بڕیار لە سەر چۆنیەتی تۆڵەسەندنەوەکە دەدات.

بۆچی گرنگە: چۆنیەتیی تۆڵەسەندنەوەی ئێران لە ئیسرائیل کاریگەریی لە سەر دۆخی ناوچەکە و ئەگەری فراوانبوونی شەڕ دەبێت.

وێنە گەورەکە: بە گوێرەی ڕاپۆرتێکی ڕۆیتەرز، نوێنەرانی حەماس و جیهادی فەلەستینی، حیزبوڵای لوبنانی، حوسییەکانی یەمەن و گرووپەکانی بەرەی مقاومەی عێراق، لە تارانی پایتەختی ئێران کۆدەبنەوە و لەو کۆبوونەوەیەدا بڕیار لە سەر کاردانەوەکان بەرامبەر بە کوشتنی هەنیە دەدرێت.

زانیاریی زیاتر: چاوەڕێ دەکرێت عەلی خامنەیی، ڕێبەری باڵای ئێران لە کۆبوونەوەکەدا ئامادە بێت.