چۆن بەردەکانی دۆڵی مەرگ بەهێواشی دەجووڵێن؟

ئاڤا نیوز  

 ڕۆژهەڵاتی کالیفۆرنیا، کە بە دۆڵی مەرگ ناسراوە بەردەکان بە شێوازێکی هیواش و لەسەر خۆ دەجووڵێن لە ئەنجامی گۆرانی کەشوهەوا.

وێنە گەورەکە: نزیکەی 10 هەزار ساڵ پیش ئێستا، بەهۆی گۆرانی کەشوهەوا دۆڵی مەرگ گۆڕانکاری زۆری بەسەرداهات، بە گەرمترین شوێنی سەر ڕووی زەوی دادەنرێت کە پلەی گەرما لە وەرزی هاویندا 57 پلە سیلیزییە، زستانیشی بە جۆرێکە پلەکانی گەرما بۆ 10 پلەی ژێر سفر دادەبەزن، هەر ئەمەش هۆکارێکە بۆئەوەی ژیانی تێدا نەبێت، بەڵام بووەتە جێی سەرنجی گەشتیاران.

ئەوەی پێویستە بیزانیت: لە دەریاچەیەکی وشکی ئەم دۆڵە، کۆمەڵێک بەرد جووڵاون و شوێنیان لەسەر زەوییەکە بەجێماوە، ئەم دۆڵە زەوییەکی بێ بەرهەمە بەڵام نهێنییەکی سەرسوڕهێنەری هەڵگرتووە دەیان کەس توێژینەوەیان لەسەر ئەم دیاردەیە کرد، بەڵام دواجار وەڵامێکیان دەست کەوت.

چی ڕوویدا: دواجار لە ساڵی 2014 چەند توێژەرێک نهێنی جووڵانی بەردەکانیان ئاشکرا کرد، لە وەرزی زستاندا، کاتێک باران دەبارێت دۆڵەکە دەبێتە دەریاچەیەکی بچووک. شەوانیش کە پلەکانی گەرما نزم دەبنەوە، دەریاچەکە دەیبەستێت، ڕۆژی دواتر کە خۆر هەڵدێت سەهۆڵەکە دەتوێتەوە، سەهۆڵی بەشی سەرەوەی دەریاچەکە لە بەردەکان گیر دەبێت، با یارمەتیدەر دەبێت بۆ جووڵانی بەردەکان بە ئاسانی بە سەر لیتەی بنی دەریاچەکەدا.