لە هێرشێکی ئەلشەباب لە سۆماڵ 32 کەس کوژران

ئاڤا نیوز

 

بزوتنەوەی ئەلشەباب هێرشێکی کردە سەر کەناراوێکی مەقادیشۆی پایتەختی سۆماڵ، بە هۆیەوە لانیکەم 32 کەس کوژران و 63 کەسی دیکەش بریندار بوون کە برینی بەشێکیان سەختە.

 

وێنە گەورەکە: هێرشەکە لە ڕێگەی خۆکوژێک و چەند چەکدارێکەوە ئەنجام دراوە. خۆکوژەکە خۆی تەقاندووەتەوە و چەکدارەکانیش تەقەیان کردووە. کەناراوی لیدۆ کە هێرشەکەی تێدا ئەنجام دراوە بە شوێنی کەسانی بازرگان و بەرپرس دادەنرێت. 

 

ئەوەی پێویستە بیزانیت: ئەلشەباب بزووتنەوەیەکی جیهادییە و پەیوەندیی بە ئەلقاعیدەوە هەیە. 17 ساڵە لە دژی حکومەتی سۆماڵ چالاکیی دەکات.