سەفین دزەیی: ڕێگری لە گەڕانەوەی ئاوارەکانی شنگال دەکرێت

ئاڤا نیوز

 

بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان ئاماژە بەوە دەدات، هێزە یاسایی و نا یاساییەکان ڕێگریی لە گەڕانەوەی ئاوارەکانی شنگال بۆ زێدی خۆیان دەکەن.

 

چیرۆکی سەرەکی: 10 ساڵ بەسەر جینۆسایدی ئێزدییەکان لەلایەن داعشەوە تێدەپەرێت و تائێستا بەربەستی جیاواز لەبەردەم گەڕانەوەیان بۆ زێدی خۆیان هەیە.

لێدوانی فەرمی: سەفین دزەیی، بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان لە ڕێوڕەسمی ناساندنی کتێبێکی وێنەیی هونەرمەند ڕۆستەم ئاغەلە گوتی: "تائێستا چیرۆکی خەمناکی ئێزیدییەکان کۆتایی پێنەهاتووە و لە کەمپەکان دەژین. هێزە یاسایی و نایاساییەکانی نێو شنگال ڕێگری لە گەڕانەوەیان بۆ سەر ماڵەکانیان دەکەن، هەروها هیچ خزمەتگوزارییەکیش لە شنگال نییە".

 

زانیاریی زیاتر: "پێویستمان بە هاوکاریی بەردەوامی کۆمەڵگەی نێودەوڵەتی هەیە بۆ ئەوەی ئاوارەکان بە سەلامەتی بگەڕێنەوە ناوچەکانی خۆیان". سەفین دزەیی وادەڵێت.