سەرۆک بارزانی داوایەکی عەرەب و تورکمانەکان ڕەتدەکاتەوە

ئاڤا نیوز

تائێستا لایەنەکان حکومەتی خۆجێیی کەرکووکیان پێکنەهێناوە، یەکێتی نیازی رێککەوتنی لەگەڵ لایەنەکان هەیە، عەرەب و تورکمان سورن لەسەر وەرگرتنی پۆستی پارێزگار، بەڵام سەرۆک بارزانی داواکەیانی ڕەتکردووەتەوە.

وێنە گەورەکە: کەمتر لە هەفتەیەک لە بەردەم لایەنە براوەکانی هەڵبژاردنی ئەنجوومەنی پارێزگاکان لە کەرکووک ماوە تا رێکبکەون و حکومەتی خۆجێی پێک بهێنن.

زانیاریی بەدەستهاتوو: هەردوو پێکهاتەی عەرەبی و تورکمانی سەردانی سەرۆک بارزانییان کرد تا دوو ساڵی سەرەتا ئەو پۆستەیان پێ بدرێت، بەڵام داواکەیان رەتکراوەتەوەو سەرۆک بارزانی سور بووە لەسەر ئەوەی دوو ساڵی سەرەتا ئەو پۆستە لای کورد بمێنێتەوە.

ئەوەی پێویستە بیزانیت: لە ئەگەری رێکنەکەوتن دوو رێگا لە بەردەم لایەنەکان هەیە، رێگای یەکەم هەڵوەشاندنەوەی ئەنجامی هەڵبژاردنەکانە، رێگای دووەمیان کە بەهێزترینیانە دانانی کەسێکە لە لایەن سەرۆکوەزیرانی عێراقەوە.