گوژمەی زیاتر لە یەک ملیار دینار بۆ نۆ پڕۆژە لە سلێمانی خەرج دەکرێت

ئاڤا نیوز  

وەزارەتی شارەوانی و گەشتوگوزار گوژمەی ملیارێک و 148 ملیۆن دینار بۆ نۆ پرۆژەی سلێمانی خەرج دەکات.

بڵاوکراوەی فەرمی: وەزارەتی شارەوانی و گەشتوگوزاری هەرێمی کوردستان ڕایگەیاند: وەزارەتی شارەوانی و گەشتوگوزار لە چەند فەرمانێکی وەزاری خۆیدا، ڕەزامەندیی لەسەر خەرجکردنی چەند گوژمەیەک دەدات بۆ جێبەجێکردنی نۆ پرۆژەی خزمەتگوزاری لە بوارەکانی دروستکردنی ئاوەڕۆ و تۆڕی ئاو و شەقام و چاککردنەوەی شەقام لە سنووری سەرۆکایەتیی شارەوانییەکانی سلێمانی و بەڕێوەبەرایەتیی گشتیی شارەوانییەکانی سلێمانی.

ئەوەی پێوستە بیزانیت: بەگوێرەی فەرمانەکانی وەزارەتی شارەوانی و گەشتوگوزار، ئەو گوژمانە لەسەر ڕێژەی 15% و 17% و 100%ی داهاتەکانی بەڕێوەبەرایەتیی ئاو و سەرۆکایەتیی شارەوانی و بەڕێوەبەرایە‌تیی گشتیی شارەوانییەکانی سلێمانییە.