کونسوڵی گشتیی هۆڵەندا: لەگەڵ حکومەتی هەرێم کار لەسەر ئاسایشی ناوچەکە دەکەین

ئاڤا دیجیتاڵ

 

لە چاوپێکەوتنێکی ڕۆژنامەوانیدا کونسوڵی گشتیی هۆڵەندا بە ئاڤا نیوزی گوت: "حکومەتی هۆڵەندا لەگەڵ حکومەتی هەرێمی کوردستان و حکومەتی عێراق کار لەبارەی ئاسایشی ناوچەکە دەکات.

 

یاکۆ بێرندس، کونسوڵی گشتیی هۆڵەندا ئەوەشی گوت: "پەیوەندیەکانی نێوان هۆڵەندا و هەرێمی کوردستان برایانەیە، ئێمە لەبارەی چەندین بابەت و چەندین پرسەوە ڕێککەوتووین، یەکێک لە گرنگترینیان بابەتەکانیش ئەوەیە کە هاوکاربین لە ئابووریی هەمەجۆر لە هەرێمی کوردستان".

 

گوتیشی: "یەکێک لە سەرکەوتووترین بەشەکان کە تێیدا پێشکەوتنمان تێیدا کردووە کشتوکاڵە، چونکە خەڵکی هۆڵەندا مێژوویێکی دوورودرێژی لە کوشتوکاڵ هەیە و لە تواناماندایە ئەو زانست و زانیارییانەی هەمانە لەو بوارەدا بیبەخشین".