له‌ به‌سره‌ مانگانە 100 کەس تووشی شێرپەنجە دەبن

ئاڤا نیوز

ئەندامێکی لیژنەی نەوت و غاز له‌ پەرلەمانی عێراق ڕایدەگەیێنێت، مانگانە 100 حاڵەتی شێرپەنجە لە پارێزگای بەسرە تۆمار ده‌كرێت.

 

وێنە گەورەکە:  ژمارەی دانیشتووانی بەسرە زیاتر لە سێ ملیۆن کەسە و،  رۆژانه‌ شارەکە نزیكه‌ی چوار ملیۆن به‌رمیل نه‌وت به‌رهه‌م ده‌هێنێت،  ئێستا پیسبوونی ژینگەكه‌ی بووه‌ته‌ یەکێک لە گەورەترین مەترسی بۆ سه‌ر ژیانی دانیشتووانه‌كه‌ی. بەجۆرێک تادێت ژمارەی تووشبوان بە شێرپەنجە بەرز دەبێتەوە.

 

لێدوانی فەرمی: عەلی مەشکور، ئەندامی لیژنەی نەوت و گاز لە پەرلەمانی عێراق ڕایگه‌یاند: نه‌خۆشخانه‌كانی به‌سڕه‌ مانگانە 100 حاڵەتی شێرپەنجە تۆمار ده‌كه‌ن، ئەمەش هۆکارەکەی بۆ ئەو گازە ژەهراویانە دەگەڕێتەوە کە لە دەرهێنانی نەوتی پارێزگاكه‌وه‌ بڵاو ده‌بنه‌وه‌.

 

زانیاریی زیاتر: هەوڵدەدرێت له‌ داهاتویه‌كی نزیكدا سه‌رجه‌م کۆمپانیا نەوتییەکانی به‌سره‌ ناچار بكرێن به‌ دروستكردنی شەش نەخۆشخانەی تایبەت به‌ چارەسەری شێرپەنجە و لەکارکەوتنی گورچیلە، به‌و مه‌رجه‌ی ئه‌ركی تێچوو و به‌ڕِێوه‌بردنی له‌ ئه‌ستۆ بگرن .