له‌ عێراقه‌وه‌ هێرش كرایه‌ سه‌ر بنكه‌یه‌كی ئەمریکا لە ڕۆژئاوای کوردستان

ئاڤا نیوز

له‌ ناوچه‌ی ڕمێلان لە حه‌سه‌كه‌ی ڕۆژئاوای کوردستان، به‌درۆن هێرش كرایه‌ سه‌ر بنكه‌یه‌كی سه‌ربازی هاوپەیمانی نێودەوڵەتی، میدیاكانی سووریاش پێشبینی ده‌كه‌ن ‌سه‌رچاوه‌ی هێرشه‌كه‌ عێراق بێت.

زانیاریی به‌ده‌ستهاتوو: به‌گوێره‌ی ڕوانگەی سووری بۆ مافەکانی مرۆڤ، دره‌نگانی شه‌وی ڕابردوو به‌درۆن هێرش كرایه‌ سه‌ر  بنکەی سه‌ربازی خەراب ئەلجیر، تایبه‌ت به‌ هێزەکانی هاوپەیمانی نێودەوڵەتی لە ناوچەی ڕمێلانی  حەسەکە.

زانیاریی زیاتر: به‌پێی ڕوانگەی سووری، پاش هێرشه‌كه‌ ئاگرێكی گه‌وره‌ له‌بنكه‌كه‌ كه‌وتووەتەوە و‌ تا به‌ره‌به‌یانی ئه‌مڕۆ به‌رده‌وام بووە‌، تائێستاش به‌رپرسانی سه‌ربازی سووریا هیچ ڕوونكردنه‌وه‌یه‌كیان له‌سه‌ر ڕووداوه‌كه‌ نه‌داوه.‌