نرخی پولی خانووبەرە 400% کەم دەکرێتەوە

ئاڤا نیوز

بڕیاری کەمکردنەوەی نرخی پوولی خانووبەرە جێبەجێ دەکرێت و 400٪ کەمدەکرێتەوە.

وێنە گەورەکە: چەند مانگێکە حکومەتی هەرێمی کوردستان هەڵمەتێکی بۆ لێخۆشبوون و کەمکردنەوەی قەرز و باجە جۆربەجۆرەکان دەستپێکردووە.

لێدوانی فەرمی: لوقمان عومەر، بەڕێوەبەری گشتیی تۆماری خانووبەرەی هەرێمی کوردستان بە ئاڤا نیوزی گوت: پێشنیازمان بۆ کەمکردنەوەی نرخی پوولی خانووبەرە کرد، سەرۆکوەزیران بارزانی بڕیاری دا 1%ی نرخی پوول وەربگیرێت، لەکاتی دانانی پوول 0.5% و  لە کاتی هەڵگرتنی پوول 0.5%.

زانیاریی زیاتر: پێشتر لە کاتی دانانی پوول لە پرۆسەی بەناوکردنی  زەوی و خانوو 2.5% و لەکاتی هەڵگرتنیش 2.5% وەردەگیرا، کۆی گشتیی 5%ی  پارەکە وەردەگیرا. 

بۆچی گرنگە: بڕیارەکە دەبێتە هۆی کەمکردنەوەی بارگرانییەکی زۆری سەر شانی  هاونیشتمانیان لەکاتی کڕین و فرۆشتن و بەناوکردنی زەوی و خانوو. 

باکگراوند: پێشتریش حکومەتی هەرێمی  کوردستان کارکردنی بە هەموو جۆرەکانى پوولى دارایی لە هەرێمى کوردستان ڕاگرت.