لە قامیشلۆ ئۆتۆمبێلێك دەكرێتە ئامانج

ئاڤانیوز

لە شاری قامیشلۆی ڕۆژئاوای کوردستان بە درۆن ئۆتۆمبێلێک کرایە ئامانج،  کەسێک کوژرا و کەسێکی دیکە برینداربوو.

زانیاریی بەدەستهاتوو: لە گەڕەکی کۆرنیش لە نزیک مزگەوتی فاروقی شاری قامیشلۆی ڕۆژئاوای کوردستان ئۆتۆمبێلێک تەقییەوە، ڕەوانگەی سووری بۆ مافەکانی مرۆڤ دەڵێت، ئۆتۆمبێلەکە لەلایەن درۆنی تورکیاوە کراوەتە ئامانج.

زانیاريی زیاتر: ئۆتۆمبێلەکە ژمارەیەك لە بەرپرسانی ئیدارەی ڕۆژئاوای کوردستانی هەڵگرتبوو، بەهۆی هێرشەکەوە کەسێک کوژراوە و کەسێکی دیکەش بریندار بووە.

باکگراوند: لە سەرەتای ئەمساڵەوە و تاوەکو ئێستا 64 جار سوپای تورکیا بە فڕۆکەی بێفڕۆکەوان ناوچەکانی ژێر دەسەڵاتی ئیدارەی خۆبەڕێوەبەریی ڕۆژئاوای کوردستانی کردووەتە ئامانج.