گەورەترین وێستگەی ئەتۆمی بەرهەمهێنانی کارەبای ئەوروپا سووتا

ئاڤا نیوز 

ئاگر لە وێستگەی وزەی ئەتۆمی زاپۆریژیای ئۆکراینا کەوتەوە کە ئێستا لەژێر دەستی ڕووسیادایە، هەردوو وڵاتیش یەکتر بە سووتاندنی وێستگەکە تۆمەتبار دەکەن.

چیرۆکی سەرەکی: ڕۆژی 12-8-2024، ئاگرێک لە گەورەترین وێستگەی بەرهەمهێنانی کارەبای ئەوروپا کەوتەوە، بەڵام هیچ کاریگەرییەکی لەسەر وزەی ئەتۆمی  ڕووسیا نەبوو.

لێدوانی فەرمی: یەڤینگی بالیتسکی، بەرپرسی وێستگەی وزەی ئەتۆمی زاپۆریژیا ڕایگەیاند، ئۆکراینا هۆکاری سەرەکی کەوتنەوەی ئاگرەکەیە بەهۆی تۆپارانەکانی بۆ سەر ڕووسیا.

بۆچوونی بەرامبەر: ڤۆلۆدیمیر زیلینسکی، سەرۆکی ئۆکرانیا لە پۆستێکدا تۆڕی کۆمەڵایەتی ئێکس ڕاگەیاند، هێزەکانی ڕووسیا ئاگریان لە وێستگەکە بەرداوە کە ماوەی زیاتر لە دوو ساڵە لەلایەن هێزەکانی مۆسکۆوە "داگیرکراوە".

باکگراوند: چەند ڕۆژێکە هێزەکانی ئۆکراینا زیاتر لە 30 کیلۆمەتر لەناو خاکی ڕووسیا پێشڕەوییان کردووە، ئەمەش قووڵترین و گرنگترین هێرشە لەوەتەی شەڕی نێوانیان لە مانگی شوباتی 2022 هەڵگیرساوە.