هەلی کار بۆ زیاتر لە 100 هەزار گەنج دەڕەخسێت

ئاڤا نیوز

سەرۆکی دەستەی وەبەرهێنان ڕایدەگەیێنێت، هەلی کارییان بۆ زیاتر لە 100 هەزار گەنج ڕەخساندووە، ئەم ژمارەیەش بەردەوام لە زیادبووندایە.

وێنە گەورەکە: لە ماوەی ڕابردوودا لەلایەن سەرۆکوەزیران بارزانی بڕیاری بەخۆماڵیکردنی دەستیکار درا، لەم چوارچێوەیەشدا بڕیاری دا بەلایەنی کەمەوە لە 75%ی کرێکارانی کەرتی تایبەت خۆماڵی بن.

لێدوانی فەرمی: د. محەممەد شوکری، سەرۆکی دەستەی وەبەرهێنانی هەرێمی کوردستان بە ئاڤا نیوزی ڕاگەیاند: حکومەت بەردەوام هەوڵی بەرزکردنەوەی کواڵیتی پرۆژەکان و خستنەسەرکاری کرێکاری خۆماڵی دەدات. لەم ڕێگەیەوەش هەلی کاری بۆ زیاتر لە 100 هەزار گەنج ڕەخساندووە و بایەخی تایبەت بە کرێکاری خۆماڵی دەدات.

زانیاریی زیاتر: لە ساڵی 2019ەوە تا ساڵی ڕابردوو 22 هەزار و 512 پرۆژە و 111 هەزار و 158 کرێکار دەستەبەریان بۆ کراوە، لە کۆتایی ساڵی 2023 دا باڵانسی سندووقی دەستەبەری کۆمەڵایەتی زیاتر لە تریلیۆنێک دینار بووە.