لەمەودوا لە بەکتریاکان مەترسن

ئاڤا نیوز

لەگەڵ ئەوەی لەشی مرۆڤ ماڵێکە بۆ بەکتریا جۆراوجۆرەکان، بەڵام بەڵگە نوێیەکان دەریدەخەن هەموو بەکتریایەک زیانی نییە. 

وێنە گەورەکە: لەشی مرۆڤ ژینگەیەکی لەبار و گونجاو بۆ دروستبوون و بڵاوبوونەوەی چەندین زیندەوەری بچووکی وەک میکڕۆب و بەکتریا، بۆیە بەردەوام 10هەزار تا یەک ملیۆن بەکتریا لەناو لەشی مرۆڤدا دەژین.

لێدوانی فەرمی: هۆلی ویلکینسن، مامۆستای ساڕێژکردنی برین لە زانکۆی هالی بەریتانی دەڵێت، پێستی مرۆڤ باشترین ژینگەیە بۆ دروستبوونی بەکتریاکان بەراورد بە ئەندامانی دیکەی جەستە، چونکە پێست ئۆرگانێکی وشک و کراوەیە. 

ئەمەش بزانە: هەندێک لە بەڵگە نوێیەکان کە بی بی سی بڵاویکردوونەتەوە، دەریدەخەن زیندەوەرە بچووکەکان سوودی زۆریان بۆ پێست هەیە و وادەکەن بەشێوەیەکی سەرسوڕهێنەر بە تەندروستی بمێنێتەوە، بۆیە چیدیکە سابوونی دژە بەکتریا بەکارمەهێنن. 

زانیاریی زیاتر: خاڵی سەرنجڕاکێش ئەوەیە بەکتریاکان بەشێوەیەکی یەکسان بەسەر لەشی مرۆڤدا دابەش نابن، بەڵکو بەکتریاکان خۆیان گونجاوترین شوێن بۆ مانەوە هەڵدەبژێرن.