قەتەر بۆ ئێران: پێداچوونەوە بە هێرشی سەر ئیسرائیل بکە

ئاڤا نیوز

 

قەتەر داوای کردووە ئێران بۆ هاوکاربوون لە بەرەوپێشچوونی زیاتری دانوستانەکانی تایبەت بە ئاگربەستی غەززە و بەردانی بارمتەکان، پێداچوونەوە بە بڕیاری هێرشکردنە سەر ئیسرائیل بکات.

 

وێنە گەورەکە: لەکاتێکدا دانوستانەکانی ئاگربەست لە دەوحەی پایتەختی قەتەر بەڕێوەدەچن، محەممەد بن عوبدولڕەحمان ئالسانی، سەرۆکوەزیرانی قەتەر لەگەڵ بەرپرسانی ئێران گفتوگۆی کردووە و دوایین بەرەوپێشچوونەکانی دانوستانەکانی پێ ڕاگەیاندوون. 

 

زانیاریی زیاتر: ئالسانی بە ئێرانییەکانی گوتووە، ئێوە دەبێت بە تەواوی هەڵسەنگاندن بۆ ئەو بابەتە بکەن کە ئایا لەو کاتەدا کە لە دانوستانەکان بەرەوپێشچوون بەدیهاتووە، هێرشکردنە سەر ئیسرائیل لە بەرژەوەندیی ئێوە و حیزبوڵڵایە یان نا؟

 

ئەوەی پێویستە بیزانیت: قەتەر، میسر و ئەمریکا لە دانوستانەکانی تایبەت بە ئاگربەستی غەززە و بەردانی بارمەتەکان نێوەندگیری دەکەن.