لە ویلایەتە یەکلانەبووەکان ترەمپ لە پێش کامالایە

ئاڤا نیوز 

هەوڵەکانی دۆناڵد ترەمپ و كامالا هاریس بەردەوامە، بۆ زیادکردنی ژمارەی دەنگدەرانیان لەو ویلایەتانەی کە بە مەیدانی جەنگ ناسراون.

وێنە گەورەکە: لە هەڵبژاردنەکانی ئەمریکادا لە 2024-11-05، هاوڵاتیان دەنگ بە سەرۆک و ئەندامانی کۆنگرێس و بەرپرسانی ناوخۆیی دەدەن و کلیلی دەرئەنجامەکان لە ویلایەتە جۆلانەییەکانە.

ئەوەی پێویستە بزانیت: ویلایەتە جۆلانەییەکان ئەو ویلایەتانەن کە ژمارەی دەنگدەران تا ڕادەیەک یەکسانن و هەر جارێک حیزبێک ژمارەی زیاتری دەنگ بەدەست دەهێنێت. 

زانیاريی زیاتر: بەگوێرەی ڕۆژنامەی واشنتن پۆست، ترەمپ لە شەش ویلایەتی جۆلانەیی پێشەنگی گرتووە، بەڵام هاریس ئەو دوورییەی کەم کردووەتەوە و لە دوو ویلایەتی تری جۆلانەیی بە پێش ترەمپ کەوتووە.  

ئەمەش بزانە: لە دوای هاتنی هاریس خەڵکی ئەمریکا بە یەکسانی پشتگیری لە بەربژێرەکانیان دەکەن. ترەمپ تیشکی خستووەتە سەر بەڕێوەبردنی ئابووری و ڕێگریکردن لە پەنابەری نایاسایی، لە کاتێکدا هاریس کار لەسەر ڕەگەزپەرستی و یەکسانی کۆمەڵایەتی و تەندروستی دەکات .