یەکەمین تووشبووی ئیفلیجی منداڵان لە غەززە تۆمارکرا

ئاڤا نیوز 

وەزارەتی تەندروستی فەلەستین یەکەمین حاڵەتی توشبوون بە ڤایرۆسی ئیفلیجی منداڵانی تۆمارکرد.

ڕاگەیێنراوی فەرمی: وەزارەتی تەندروستی فەلەستین ڕایگەیاند: یەکەمین تووشبووی ئیفلیجی منداڵان لە شاری دێرل بەلح تۆمارکرا، کە منداڵێکی تەمەن 10 مانگانەو هیچ ژەمێکی کووتانی دژی ئیفلیجی وەرنەگرتووە.

وێنە گەورەکە: بەردەوامی هێرشەکانی ئیسرائیل بۆ سەر کەرتی غەززە کارەساتی تەندروستی لێکەوتووەتەوە، وەک نەبوونی خزمەتگوزاری پاکوخاوێنی و کەڵەکەبوونی پاشماوە لە دەوروبەری شوێنی حەوانەوەی هاووڵاتیان ژینگەیەکی لەباری بۆ گواستەنەوەی چەندین پەتا ڕەخساندووە.

ئەوەی پێویستە بیزانیت: ئیفلیجی منداڵان یەکێکە لەو نەخۆشییانەی، کە مرۆڤ بەھۆی ڤایرۆسێکەوە تووشی دەبێت و نەخۆشییەکە بەئاسانی بڵاودەبێتەوە بەتایبەت لەنێو ئەو کەسانەی پێکوتەیان وەرنەگرتووە، زۆربەی جار بەتووندی ھێرش دەکاتە سەر کۆئەندامی دەمار و دەبێتە هۆی ئیفلیجی.

لە لایەکی دیکەوە: ئەمینداری گشتی نەتەوە یەکگرتووەکان، داوای لە هەموو لایەنەکان کرد ئاگربەستی مرۆیی ڕابگەیێنن، بۆ ڕێگەدان بە کوتانی منداڵان دژی نەخۆشیی ئیفلیجی.