لە عێراق و هەرێمی کوردستان هیچ تووشبوویەکی ئاوڵەی مەیموون تۆمارنەکراوە

ئاڤا نیوز

 

گوتەبێژی وەزارەتی تەندروستیی عێراق ڕایگەیاند، تاوەکو ئەم ساتە هیچ  تووشبووێک بە ڤایرۆسی ئاوەڵەی مەیموون لە عێراق و هەرێمی کوردستان تۆمارنەکراوە.

 

وێنە گەورەکە: خێرا بڵاوبوونەوەی نەخۆشیی ئاوڵەی مەیموون لە ژمارەیەک وڵات وای لە ڕێکخراوی تەندروستیی جیهانی کرد باری لەناکاوی تەندروستیی جیهانی ڕابگەیێنێت.

 

لێدوانی فەرمی: سەیفەدین بەدر، گوتەبێژی وەزارەتی تەندروستیی عێراق دەڵێت: وەزارەتەکەمان لە توانایدا هەیە نەخۆشییەکە دەستنیشان بکات و لە نزیکەوە بەدواداچوون بۆ هەموو پێشهاتەکان دەکرێت، هەر پێشهاتێکیش هەبێت بە فەرمی ڕایدەگەیێنین".

 

زانیاریی زیاتر: بەگوتەی بەدر، لە نێوان وەزارەتی تەندروستیی فیدراڵی و لایەنە تەندروستییەکانی هەرێمی کوردستان لەسەر هەموو پرسە پەتازانییەکان هەماهەنگی هەیە و هاوکارن، جا چ لەگەڵ وەزارەتی تەندروستیی لە هەولێر یان بەرێوەبەرایەتییە تەندروستییە جیاوازەکانی هەرێمی کوردستان بێت".

 

لەلایەکی دیکە: بەگوتەی گوتەبێژەکەی وەزارەتی تەندروستی: هیچ چارەسەرێکی ڕاستەوخۆ بۆ ڤایرۆسەکە نییە. بەڵام لەگەڵ ئەوەشدا تیمی تەندروستی هەیە بۆ زوو دەستنیشانکردنی هەر حاڵەتێکی پەتازانی بۆ ڕێگریکردن لە بڵاوبوونەوەی.