مالیکی و بەشێکی عەرەب و تورکمانەکانی کەرکووک: دەبێت ڕێڕەوی سیاسی ڕاستبکرێتەوە

ئاڤا نیوز

 

سەرۆکی هاوپەیمانیی دەوڵەتی یاسا لەگەڵ هەردوو لایەنی عەرەب و تورکمانی عێراق لە بەغدا کۆبووەوە و پرسی پێکهێنانی حکومەتی خۆجێیی کەرکووک تەوەری سەرەکیی کۆبوونەوەکە بوون.

 

وێنە گەورەکە: لایەنە ناڕازییەکانی کەرکووک لە عەرەب و تورکمان پێش تاوتوێکردنی پرسی پێکهێنانی حکومەتی خۆجێیی کەرکووک لەلایەن دادگەی فیدراڵییەوە پەنا دەبەنە بەر نووری مالیکی بۆ بەدەستهێنانی پاڵپشتی بۆ داواکارییەکانیان لەمبارەیەوە.

 

ڕاگەیێنراوی فەرمی: نووسینگەی میدیایی نووری مالیکی، سەرۆکی هاوپەیمانیی دەوڵەتی یاسا ڕایگەیاند: لایەنەکان جەختیان لەسەر ڕاستکردنەوەی ڕێڕەوی سیاسی لە کەرکووک و هاوبەشی پێکهاتەکان لە پێکهێنانی حکومەتی خۆجێیی کەرکووک کردەوە.

 

ئەوەی پێویستە بیزانیت: شاندەکە پێکهاتبوو لە حەسەن تۆران، سەرۆکی بەرەی تورکمانی عێراق، ڕاکان جبوری، سەرۆکی هاوپەیمانیی عەرەبی لە کەرکووک و جاسم محەممەد جەعفەر، ئەمینداری گشتیی یەکگرتووی ئیسلامیی تورکمان و چەند کەسایەتییەکی دیکە.

 

باکگراوند:  14ـی ئەم مانگە بەرەی تورکمانی دژی پێکهێنانی ئیدارەی کەرکووک بەبێ بەشداریی پێکهاتەی تورکمان، لە دادگای فیدراڵی سکاڵای تۆمار کرد و بڕیارە 21ـی ئەم مانگە دادگاکە لەبارەی یاساییبوونی کۆبوونەوەی ئەنجوومەنی پارێزگای کەرکووک تاوتوێ بکات.